Akmuhammet Nurmuhammedowiç Bekmyradow 1992-nji ýylyň 26-njy martynda Mary welaýatynyň Türkmengala etrabynyň Türkmengala şäherinde doguldy. Milleti türkmen.

1998 — 2008-nji ýyllarda Türkmengala etrabyndaky 8-nji orta mekdepde okady. 

2008 — 2012-nji ýyllarda Halkara türkmen-türk uniwersitetinde okap, ony awtomatlaşdyrylan ulgamlaryň we kompýuter tehnikasynyň programma üpjünçiligi hünäri boýunça tamamlady. 

2012-2013-nji ýyllarda harby gullukda boldy. 

2013 — 2016-njy ýyllarda «Marywelaýatagyzsuw» birleşiginiň Türkmengala etrabynyň 12-nji Abatlaýyş-ulanyş bölüminiň I-derejeli tehnigi bolup işledi. 

2016-2017-nji ýyllarda Türkmengala etrabyndaky 13-nji orta mekdebiň informatika mugallymy bolup işledi.

2017-nji ýyldan bäri Mary welaýatynyň Türkmengala etrabyndaky daşary ýurt dillerini çuňlaşdyryp öwredýän ýöriteleşdirilen 33-nji orta mekdebiň informatika mugallymy bolup işleýär. 

Türkmenistanyň Mejlisiniň VII çagyrylyşynyň deputaty. Mejlisiň Kada-kanunçylyk baradaky komitetiniň agzasy.

Maşgalaly, iki çagasy bar.

Raýatlar topary tarapyndan dalaşgärlige hödürlenildi.