Zyba Serdarowna Nepesowa 1990-njy ýylyň 30-njy dekabrynda  Mary welaýatynyň Murgap etrabynyň Çäçdepe geňeşliginde doguldy. Milleti türkmen.

1998-2008-nji ýyllarda Murgap etrabynyň 19-njy orta mekdebinde okady. 

2009-2014-nji ýyllarda Döwletmämmet Azady adyndaky Türkmen milli dünýä dilleri institutynda okap, ony filolog, terjimeçi, iňlis dili mugallymy hünäri boýunça tamamlady.

2014-2015-nji ýyllarda  Mary welaýatynyň Murgap etrabynyň 4-nji orta mekdebinde  iňlis dili mugallymy, 2015-2016-njy ýyllarda  Aşgabat şäheriniň Ene Kulyýewa adyndaky  62-nji orta mekdebinde iňlis dili mugallymy bolup işledi.

2016-2019-njy ýyllarda  Döwletmämmet Azady adyndaky Türkmen milli dünýä dilleri institutynyň Iňlis dili kafedrasynyň mugallym-öwrenijisi, 2019-2025-nji ýyllarda Döwletmämmet Azady adyndaky Türkmen milli dünýä dilleri institutynyň Iňlis filologiýasy kafedrasynyň mugallym-öwrenijisi, mugallymy wezipelerinde işledi.

2025-2026-njy ýyllarda Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň baş hünärmeni wezipesinde işledi.

Türkmenistanyň Mejlisiniň VII çagyrylyşynyň deputaty.

2026-njy ýylyň aprel aýyndan bäri Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň agzasy wezipesinde işleýär.

Maşgalaly, üç çagasy bar. 

Türkmenistanyň Demokratik partiýasy tarapyndan dalaşgärlige hödürlenildi.