Tirkişmyrat Amanmuhammedowiç Ýomudow 1996-njy ýylyň 11-nji fewralynda Mary welaýatynyň Sakarçäge etrabynyň Gyzylgum geňeşliginde doguldy. Milleti türkmen.

2003 — 2013-nji ýyllarda Sakarçäge etrabyndaky 12-nji orta mekdepde okady.

2014 — 2019-njy ýyllarda Türkmen Döwlet ulag we aragatnaşyk institutynda okap, ony inžener-mehanik hünäri boýunça tamamlady. 

2019 — 2022-nji ýyllarda «Türkmenawtoulaglary» agentliginiň «Maryawtoulag» önümçilik birleşiginiň işgärler we hukuk işi bölüminiň hünärmeni, ulanyş bölüminiň nobatçy-dispetçeri wezipelerinde işledi.

2022-nji ýylyň ýanwar — sentýabr aýlarynda «Demirýollary» açyk görnüşli paýdarlar jemgyýetiniň 6-njy şahamçasynyň topar ýolbaşçysy wezipesinde işledi.

2022—2023-nji ýyllarda «Demirýollary» açyk görnüşli paýdarlar jemgyýetiniň  6-njy şahamçasynyň iş öndürijisi wezipesinde işledi.

2023—2024-nji ýyllarda «Demirýollary» açyk görnüşli paýdarlar jemgyýetiniň 31-nji şahamçasynyň Mary stansiýasynyň 66-njy razýezdiniň demir ýol boýunça nobatçysy wezipesinde işledi. 2024—2025-nji ýyllarda «Demirýollary» açyk görnüşli paýdarlar      jemgyýetiniň 30-njy şahamçasynyň Lokomatiw toparlarynyň operatiw-tehniki hasabat merkeziniň başlygy wezipesinde işledi.

2025-nji ýylyň noýabr aýyndan bäri telekeçi bolup işleýär.

Türkmenistanyň Mejlisiniň VII çagyrylyşynyň deputaty. Mejlisiň Kada-kanunçylyk baradaky komitetiniň agzasy.

Maşgalaly, iki çagasy bar.

Raýatlar topary tarapyndan dalaşgärlige hödürlenildi.