ŞANLY WAKALAR – ZAMANAMYZYŇ ZYNATY

Şa­ny wa­ka­la­ry, tu­tum­la­ry bi­len ta­ry­ha al­tyn harp­lar bi­len ýazylýan Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de halky­myz eş­ret­li dur­mu­şyň hö­zi­ri­ni gör­ýär, ýur­du­my­zyň hal­ka­ra abraýy has-da be­len­de gö­te­ri­lip, äh­li ugurlar­da ýe­til­ýän be­lent sepgitler bir-bi­ri­ne ulaş­ýar. Şeý­le eş­ret­li döw­rüň her bir tä­ze ýy­ly­nyň döw­re­bap şy­ga­ryň as­tynda geç­me­gi Ga­raş­syz, he­mi­şe­lik Bi­ta­rap Türkme­nis­tan döw­le­ti­miz­de asyl­ly dä­be öw­rü­len aja­ýyp aýratynlyklaryň bi­ri­dir. Türk­me­nis­ta­nyň Mej­li­si­niň Ka­ra­ry bi­len 2025-nji ýy­lyň «Hal­ka­ra pa­ra­hat­çy­lyk we yna­nyş­mak ýy­ly» diý­lip yglan edilme­gi­ni hem şan­ly wa­ka­la­ryň bi­ri hök­mün­de görkez­mek bo­lar.

Hal­ka­ra pa­ra­hat­çy­lyk we yna­nyş­mak ýy­lyn­da di­ňe bir ýur­du­myz­da däl, eýsem, dün­ýä ýü­zün­e ýaň saljak şan­ly se­ne – Bir­le­şen Mil­let­ler Gura­ma­sy­nyň Baş As­samb­le­ýa­sy­nyň ýö­ri­te Ka­rar­na­ma­la­ry bi­len iki gezek yk­rar edi­len Türk­me­nis­ta­nyň he­mi­şe­lik Bita­rap­ly­gy­nyň 30 ýyllygy da­ba­ra­la­nar. 2025-nji ýy­lyň «Hal­ka­ra pa­ra­hat­çy­lyk we ynanyşmak ýy­ly» diý­lip at­lan­dy­ryl­ma­gy­nyň esa­syn­da hem şu şan­ly se­ne dur­ýan­dyr. Şeý­le il­ha­lar çöz­gü­de ge­lin­me­gin­de türkmen hal­ky­nyň Mil­li Li­de­ri, Türk­me­nis­ta­nyň Halk  Mas­la­ha­ty­nyň Baş­ly­gy Gah­ry­man Arkada­gy­my­zyň jöw­her paý­ha­sy­nyň mi­we­si bo­lan «Türk­me­nis­tan – para­hat­çy­ly­gyň we yna­nyş­ma­gyň Wa­ta­ny» at­ly aja­ýyp goş­gy­nyň esas edi­nil­me­gi her bi­ri­mi­ziň buýsan­jy­my­zy art­dyr­ýan ha­ky­kat­dyr. Milli Liderimiziň bu nus­ga­lyk şyg­ryn­da he­mi­şe­lik Bi­ta­rap­ly­gy­my­zyň esa­sy mak­sa­dy­nyň, umu­ma­dam­zat bäh­bi­di­niň ýoka­ry çe­per­çi­lik bi­len be­ýan edil­ýän­di­gi­ni nyg­ta­mak bol­sa aý­ra­tyn ýa­kym­ly­dyr. Ar­ka­dag­ly Gahryman Ser­da­ry­my­zyň pa­ra­sat­ly baş­tu­tan­ly­gyn­da hal­ky­myzyň ýaşaýyş-dur­muş de­re­je­si­ni has-da go­wu­lan­dyrma­ga gö­nük­di­ri­len ynsanper­wer ýö­rel­ge­ler aja­ýyp za­ma­na­my­zyň be­ze­gi­dir. Bil­şi­miz ýa­ly, hor­mat­ly Pre­zi­den­ti­mi­ziň Per­ma­ny bi­len, 2025-nji ýy­lyň 1-nji ýanwaryn­dan zäh­met hak­la­ry­nyň, pen­si­ýala­ryň, döw­let kö­mek pullarynyň, ta­lyp we diň­leý­ji hak­la­ry­nyň möç­ber­le­ri 10 gö­te­rim ýokarlan­dy­ryldy. Il-ýurt bäh­bi­din­den ugur al­ýan bu çöz­gü­di üçin Arkadagly Gahryman Serdarymyzyň ady­na aý­dylýan al­kyş söz­le­ri çäksiz­dir. 

Hor­mat­ly Pre­zi­den­ti­mi­ziň «Wa­tan di­ňe hal­ky bilen Watandyr! Döw­let di­ňe hal­ky bi­len döw­let­dir!» di­ýen baş ýö­rel­ge­si­niň rowaçlyklara bes­len­ýän­digi­ni gör­kez­ýän şeý­le aja­ýyp pur­sat­lar bi­len badal­ga alan Hal­ka­ra pa­ra­hat­çy­lyk we yna­nyş­mak ýy­lyn­da he­mi­şe­lik Bita­rap­ly­gy­myz­dan göz­baş al­ýan pa­ra­hatçy­lyk, yna­nyş­mak ýö­rel­ge­le­ri deň­hu­kuk­ly hal­ka­ra gat­na­şyk­la­ryň hem-de döw­le­ti­mi­ziň ok­gun­ly ösüşiniň öze­ni, hal­ky­my­zyň aba­dan dur­mu­şy­nyň ke­pi­li bo­lup dabaralanýar. Türk­me­nis­ta­nyň baş­lan­gy­jy bi­len Bir­le­şen Mil­let­ler Gurama­sy­nyň Baş As­samb­le­ýa­sy ta­ra­pyn­dan «2025-nji ýyl –Hal­ka­ra parahat­çy­lyk we yna­nyş­mak ýy­ly» at­ly Ka­rar­na­ma­nyň bi­ra­gyz­dan ka­bul edil­me­gi bol­sa ýur­du­my­zyň Ýer ýü­zün­dä­ki ab­ra­ýy­nyň bar­ha artýandygy­ny gör­kezýär. Türk­men Bi­ta­rap­ly­gy­nyň dün­ýä­de dabaralanma­gy­ny ga­za­nan, eziz Wa­ta­ny­my­zy pa­ra­hat­çy­ly­gyň, ynanyşma­gyň, dost-do­gan­ly­gyň me­ka­ny­na öw­ren Mil­li Li­de­ri­mi­ziň we hor­mat­ly Pre­zi­den­ti­mi­ziň janla­ry sag, ömür­le­ri uzak bo­lup, Hal­ka­ra para­hat­çy­lyk we yna­nyş­mak ýy­lyn­da dur­mu­şa ge­çir­jek ta­ry­hy tu­tum­la­ry ro­waç­lyk­la­ra bes­len­sin! 

Perman SAPAROW, 

Türk­me­nis­ta­nyň  Mej­li­si­niň dur­muş sy­ýa­sa­ty 

barada­ky ko­mi­te­ti­niň baş hü­när­me­ni.