Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň çäklerinde 2026-njy ýylyň 22-nji maýynda Türkmenistanyň Mejlisiniň Başlygynyň Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň Geňeşiniň Baş Sekretary Dmitriý Kobiskiý bilen duşuşygy geçirildi. 

Türkmen tarapy Birleşen Milletler Guramasy tarapyndan hemişelik Bitaraplyk hukuk ýagdaýy üç gezek ykrar edilen ýurdumyzyň  ynsanperwerlik, parahatçylyk söýüjilik, deňhukuklylyk we ynanyşmak ýörelgeleri esasynda dünýä döwletleri we abraýly halkara guramalar bilen özara bähbitli hyzmatdaşlyk gatnaşyklaryny ösdürmäge hem-de Garaşsyz Döwletleriň Arkalaşygynyň giňişliginde netijeli hyzmatdaşlygyň pugtalandyrylmagyna we giňeldilmegine aýratyn ähmiýet berýändigini belledi. 

Şunuň bilen birlikde, Türkmenistanyň Mejlisiniň Parlamentara Assambleýa bilen gatnaşyklary ösdürmäge we onuň çäklerinde kanun çykaryjylyk işi, sanlylaşdyrma, ýaşlar syýasaty, gender deňligi, durnukly ösüş maksatlarynyň durmuşa geçirilmegi, parlament diplomatiýasy, şeýle hem hyzmatdaşlygyň özara gyzyklanma bildirilýän beýleki ugurlary boýunça tejribe alyşmaga taýýardygy nygtaldy.

Duşuşygyň barşynda taraplar Garaşsyz Döwletleriň Arkalaşygyna gatnaşyjy döwletleriň Parlament Assambleýasynyň çäklerinde geçirilýän çäreleriň, duşuşyklaryň ýurtlaryň parlamentleriniň arasynda ýola goýlan gatnaşyklary ösdürmäge, parlament diplomatiýasyny ilerletmäge, şeýle hem kanun çykaryjylyk işiniň öňdebaryjy tejribesini alyşmaga mümkinçilik berýändigini bellediler. 

Şeýle hem 2026-njy ýylda Türkmenistanyň Garaşsyz Döwletleriň Arkalaşygynda hem-de Merkezi Aziýa ýurtlarynyň we Azerbaýjan Respublikasynyň döwlet Baştutanlarynyň konsultatiw duşuşygynda başlyklyk etmeginiň çäklerinde ýurdumyzda geçirilmegi meýilleşdirilýän durnukly ösüşi üpjün etmäge, oňyn tejribeleri paýlaşmaga we öňde durýan wezipeleri ara alyp maslahatlaşmaga gönükdirilen halkara we parlament çäreleriň guramaçylyk meseleleri boýunça özara pikir  alşyldy.

2026-njy ýylyň 22-nji maýynda Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň 60-njy plenar mejlisiniň çäklerinde Türkmenistanyň Mejlisiniň Başlygynyň Gyrgyz Respublikasynyň Žogorku Keneşiniň Toragasy Marlen Mamataliýew bilen duşuşygy geçirildi. 

Taraplar iki ýurduň döwlet Baştutanlarynyň ikitaraplaýyn we köptaraplaýyn görnüşde, şeýle hem abraýly halkara guramalaryň çäklerinde döwletara hyzmatdaşlyk gatnaşyklarynyň üstünlikli ösdürilýändigini hem-de bu gatnaşyklary parlament diplomatiýasynyň üsti bilen berkitmäge we ösdürmäge giň mümkinçilikleriň döredilýändigini bellediler. 

Gepleşikleriň dowamynda Türkmenistan bilen Gyrgyz Respublikasynyň arasyndaky giň möçberli, deňhukukly we özara bähbitli gatnaşyklary mundan beýläk-de ösdürmekde iki döwletiň halkara hukuk ulgamyndaky hyzmatdaşlygyna uly orun degişlidigi bellenildi. Bu gatnaşyklaryň häzirki wagtda halklaryň arasyndaky dost-doganlygy has-da pugtalandyrmaga, döwletara hyzmatdaşlyk gatnaşyklaryny parlament diplomatiýasynyň üsti bilen goldamaga mümkinçilik döredýändigi barada nygtaldy. 

Duşuşygyň dowamynda halkara parlament meýdançalarynda birek-biregiň başlangyçlaryny goldamak, kanunçykaryjylyk işinde tejribe alyşmak, parlamentara dostluk toparlarynyň işini işjeňleşdirmek, ugurdaş komitetleriň arasynda gatnaşyklary ýola goýulmak, ýaş parlamentarileriň we zenan parlamentarileriň arasynda hyzmatdaşlygy giňeltmek, birek-biregiň çärelerine wekilleriň gatnaşmagy, wekiliýetleriň saparlaryny guralmak hem-de duşuşyklary geçirmek arkaly hyzmatdaşlygy ösdürmek meseleleri maslahatlaşyldy. 

Türkmenistanyň Mejlisiniň Başlygy D.Gulmanowa Gyrgyz Respublikasynyň Žogorku Keneşiniň Toragasy Marlen Mamataliýewi ýurdumyzyň Garaşsyz Döwletleriň Arkalaşygynda hem-de Merkezi Aziýa ýurtlarynyň we Azerbaýjan Respublikasynyň döwlet Baştutanlarynyň konsultatiw duşuşygynda başlyklyk etmeginiň çäklerinde «Awaza» milli syýahatçylyk zolagynda geçiriljek halkara çärelere gatnaşmaga çagyrdy.

2026-njy 22-nji maýynda Türkmenistanyň Mejlisiniň Başlygynyň ýolbaşçylygyndaky wekiliýet Russiýa Federasiýasynyň Sankt-Peterburg şäherinde geçirilýän Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň 60-njy plenar mejlisine gatnaşdy. 

Mejlisiň barşynda Milli parlamentiň ýolbaşçysy D.Gulmanowa ýokary derejede geçirilýän Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň 60-njy plenar mejlisine gatnaşmaga iberilen çakylyk hem-de türkmen tarapyna bildirilen ýokar hormat üçin hoşallygyny bildirdi.

D.Gulmanowa döwlet Baştutanlarynyň tagallalary bilen ikitaraplaýyn we köptaraplaýyn görnüşde, şeýle hem abraýly halkara guramalaryň çäklerinde döwletara hyzmatdaşlyk gatnaşyklarynyň üstünlikli ösdürilýändigi hem-de ählumumy meseleleriň oňyn çözgütleriniň tapylmagynda we durmuşa geçirilmeginde parlament diplomatiýasynyň möhüm ornuny nygtady. 

Türkmen tarapy Garaşsyz Döwletleriň Arkalaşygynda 2026-njy ýylyň «Garaşsyz Döwletleriň Arkalaşygynda saglygy goramak  ýyly: ylalaşykly syýasat we milli strategiýalar» atly şygar astynda geçýändigi bilen baglylykda, Türkmenistanyň saglygy goraýyş babatda ählumumy wezipeleri çözmekde toplan oňyn tejribesiniň dünýä bileleşiginiň, iri halkara guramalaryň, şol sanda BMG-niň we onuň ýöriteleşdirilen edaralarynyň, ýagny Bütindünýä Saglygy Goraýyş Guramasynyň, Çagalar gaznasynyň giň ykrarnamasyna eýe bolandygyny belledi we bu ugurda Arkalaşygyň giňişliginde saglygy goraýşyň hukuk binýadyny berkitmäge, tejribe alyşmaga we milli strategiýalary özara utgaşdyrmaga taýýardygyny nygtady.

Mejlise gatnaşyjylar Parlamentara Assambleýanyň diňe bir oňa gatnaşyjy döwletleriň  kanunçylygyny kämilleşdirmäge, parlament işini pugtalandyrmaga ýardam etmek bilen çäklenmän, eýsem, ekologiýa abadançylygyny üpjün etmäge, medeni-ynsanperwer hyzmatdaşlygy ösdürmäge, zenanlaryň we ýaşlaryň ugry boýunça gatnaşyklary ýola goýmaga mümkinçilik döredýändigini bellediler. Şeýle formatda geçirilýän çäreleriň, duşuşyklaryň dostlukly ýurtlaryň arasyndaky gatnaşyklary we parlamentara hyzmatdaşlygy täze derejelere çykarmaga ýardam etjekdigine ynam bildirildi. 

Mejlisiň ahyrynda oňa gatnaşyjylar Garaşsyz Döwletleriň Arkalaşygyna gatnaşyjy döwletleriň Parlamentara Assambleýasynyň mejlisiniň gün tertibinde öňe sürlen pikirleriň, teklipleriň we bilelikdäki başlangyçlaryň parlamentleriň syýasy we ykdysady mümkinçiliklerini giňeltmäge, hyzmatdaşlygy mundan beýläk-de berkitmäge ýardam etjekdigini bellediler. 

On May 22, 2026, within the framework of the 60th plenary session of the Interparliamentary Assembly of Member Nations of the Commonwealth of Independent States, the Chairperson of the Mejlis of Turkmenistan held a meeting with the Chairman of the Senate of the Parliament of the Republic of Kazakhstan Maulen Ashimbayev.

The parties noted that, thanks to the efforts of the Heads of State, relations between the two countries have become effective in various fields, and significant progress has been achieved in political, economic, cultural, humanitarian and inter-parliamentary cooperation based on the rich experience of centuries-old Turkmen-Kazakh strategic partnership. At the same time, it was emphasized that the friendly cooperation between the countries is consistently developed and strengthened on the basis of mutually beneficial relations, both bilaterally and within the framework of international organizations.

During the meeting, the parties noted that inter-parliamentary dialogue has become an important part of expanding the scope of cooperation between the two countries, and that holding meetings of inter-parliamentary friendship groups, youth and women parliamentarians established on a bilateral basis, has an important role in exchanging experience in legislative work.

The Chairperson of the National Parliament D.Gulmanova expressed confidence that this meeting would contribute to the further strengthening of bilateral inter-parliamentary relations. And also that Turkmenistan highly values inter-parliamentary relations with the Republic of Kazakhstan and is ready to further develop them in all areas.

The Chairperson of the Mejlis of Turkmenistan D.Gulmanova invited the Chairman of the Senate of the Parliament of the Republic of Kazakhstan Maulen Ashimbayev to participate in international events to be held in the National tourist zone «Awaza» within the framework of our country's chairmanship in the Commonwealth of Independent States and the Consultative Meeting of the Heads of State of the Central Asian States and the Republic of Azerbaijan.