Türk­men hal­ky­nyň Mil­li Li­de­ri Gah­ry­man Ar­ka­da­gy­my­zyň hem-de hor­mat­ly Pre­zi­den­ti­miz Ar­ka­dag­ly Gah­ry­man Ser­da­ry­my­zyň taý­syz ta­gal­la­la­ry ne­ti­je­sin­de, «Pä­him paý­has um­ma­ny Mag­tym­gu­ly Py­ra­gy» ýy­ly uly üs­tün­lik­ler bi­len jem­le­nip, öň­de goý­lan mak­sat­na­ma­la­ýyn wezipe­ler üs­tün­lik­li dur­mu­şa ge­çi­ril­di. Mu­nuň şeý­le­di­gi­ni 7-nji few­ral­da ge­çi­ri­len Mi­nistr­ler Ka­bi­ne­ti­niň gi­ňiş­le­ýin mej­li­sin­de ber­len hasabatlardyr be­ýan edi­len yk­dy­sa­dy gör­ke­zi­ji­ler hem do­ly tas­syk­la­ýar. 

Bel­le­ni­li­şi ýa­ly, ge­çen ýyl top­lum­laýyn çä­re­le­riň dur­mu­şa geçirilme­gi ne­ti­je­sin­de, ýur­du­my­zyň mak­roykdy­sa­dy gör­ke­zi­ji­le­rin­de dur­nuk­ly ösüş üp­jün edi­lip, je­mi içer­ki önü­miň ösüş dep­gi­ni 6,3 gö­te­rim art­dy­ryl­dy. Bu gör­ke­zi­ji­niň ýur­dumy­zyň se­na­gat, gur­lu­şyk, ulag-aragatna­şyk pudaklaryn­da, söw­da ul­ga­myn­da, oba ho­jaly­gyn­da, hyzmatlar ulgamynda al­nyp bar­lan saz­la­şyk­ly iş­le­riň ne­ti­je­sin­de mümkin bolandygy­ny nyg­ta­mak ge­rek. Şeý­le ýo­ka­ry ne­tije­le­riň gazanylma­gy­na ýur­du­myz­da ön­dü­rilýän önüm­le­riň möç­ber­le­ri­niň artdyryl­ma­gy, ykdysady pu­dak­lar­da ka­da­ly önüm­çi­li­giň ýo­la go­ýul­ma­gy müm­kin­çi­lik ber­di. 

Ýur­du­myz­da eýe­çi­li­giň gör­nü­şi­ne ga­ramaz­dan, äh­li pu­dak­lar­da zäh­met çek­ýän il­deş­le­ri­mi­ziň zäh­met hak­la­ry­nyň, pen­siýa­la­ryň, döwlet kö­mek pul­la­ry­nyň, ta­lyp we diň­leý­ji hak­la­ry­nyň ýo­kar­lan­dy­ryl­ma­gy hem-de ha­sap­la­şyk­la­ryň öz wag­tyn­da geçi­ril­me­gi hal­ky­my­zyň ýa­şa­ýyş de­re­je­si­ni dur­nuk­ly ýo­kar­lan­dyr­ma­ga, dur­muş ze­rurlyk­la­ry bi­len do­ly de­re­je­de üp­jün et­mä­ge şert dö­red­ýär.

Ber­ka­rar döw­le­tiň tä­ze eý­ýa­my­nyň Galky­ny­şy döw­rün­de halk hoja­lyk top­lu­my­ny, mil­li yk­dy­sa­dy­ýe­ti innowa­sion esas­da ösdür­mä­ge gö­nük­di­ri­len iş­ler dep­gin­li do­wam etdirilýär. Şo­nuň bi­len bir­lik­de, öňdeba­ryjy teh­no­lo­gi­ýa­la­ra da­ýan­ýan hal­ka­ra gaz ge­çi­ri­ji­le­riň, üs­ta­şyr ulag ge­çel­ge­le­ri­niň, ýo­ka­ry tiz­lik­li awto­mo­bil ýol­la­ry­nyň, iri sena­gat-önüm­çi­lik kär­ha­na­la­rynyň, dür­li durmuş, luk­man­çy­lyk, sport-sa­gal­dyş mak­satly des­ga­la­ryň, tä­ze şäherçele­riň, oba­la­ryň, şä­her­le­riň, ýa­şa­ýyş jaý top­lum­la­ry­nyň gurluşykla­ry-da ama­la aşy­ryl­ýar. Bu bol­sa, ilkin­ji no­bat­da, Türkmenistanyň giň yk­dy­sa­dy müm­kin­çi­lik­le­rin­den ha­bar ber­ýär. Sebitde il­kin­ji «akyl­ly» şä­he­riň — Ar­ka­dag şä­he­riniň bi­rin­ji tap­gy­ry­nyň ulan­ma­ga be­ril­me­gi hem-de ikin­ji tap­gy­ry­nyň gur­lu­şy­gy­nyň batly depgin­ler­de do­wam et­di­ril­ýän­di­gi-de munuň aý­dyň my­sa­ly bo­lup durýar. 

Ýur­du­myz­da ge­çen ýyl ma­li­ýe­leş­dirme­giň äh­li çeş­me­le­ri­niň hasaby­na 86 sa­ny önüm­çi­lik we me­de­ni-dur­muş mak­sat­ly desga­lar, umu­my meý­da­ny 1 mil­lion 145 müň ine­dör­dül met­re deň bo­lan ýa­şa­ýyş jaý­la­ry ulan­ma­ga be­ril­di. Hä­zir­ki za­ma­nyň ýö­ne­keý bol­ma­dyk şertlerinde, hal­ka­ra jem­gy­ýet­çi­likde eme­le ge­len yk­dy­sa­dy dur­gun­ly­gyň bolup geç­ýän döw­rün­de ýur­du­myz­da şu­nuň ýa­ly be­ýik iş­le­riň dur­mu­şa ge­çi­ril­me­gi oýla­ny­şyk­ly döw­let sy­ýa­sa­ty­nyň, Gah­ry­man Arkadagymyzyň, Ar­ka­dag­ly Gah­ry­man Ser­da­ry­my­zyň hal­ky­myz barada­ky ed­ýän ýa­daw­syz ala­da­la­ry­nyň gu­wan­dy­ry­jy miwe­le­ri­dir. Bu iş­ler Wa­ta­ny­my­zyň dur­nuk­ly ösü­şi­ni, hal­ky­my­zyň aba­dan, bag­ty­ýar durmuş­da ýa­şa­ma­gy üçin giň şert­le­ri dö­ret­mek bi­len bir­lik­de, ne­sil­le­riň röw­şen gel­je­gi­ni üpjün et­mek ba­bat­da-da pug­ta bin­ýat bo­lup dur­ýar. 

Döw­let Baş­tu­ta­ny­my­zyň ýur­du­my­zy ösdür­mek bo­ýun­ça alyp barýan dur­muş-ykdy­sa­dy stra­te­gi­ýa­syn­da ma­ýa go­ýum işjeň­li­gi­ne uly äh­mi­ýet be­ril­ýär. Hö­kü­me­tiň golaýda geçirilen gi­ňiş­le­ýin mej­li­sin­de kabul edi­len «Türk­me­nis­ta­ny 2025-nji ýyl­da dur­muş-yk­dy­sa­dy taý­dan ös­dür­me­giň we ma­ýa go­ýum Mak­sat­na­ma­sy» hem bu babat­da örän möhüm äh­mi­ýe­te eýe­dir. Maksat­na­ma la­ýyk­lyk­da, şu ýy­lyň do­wa­myn­da umu­my meý­da­ny 500 müň ine­dör­dül met­re go­laý ýa­şa­ýyş jaý­la­ry­ny, 4 müň 620 orunlyk umu­my­bi­lim eda­ra­la­ry­ny, 2 müň orunlyk mek­de­be çen­li ça­ga­lar edaralary­ny gu­rup ulan­ma­ga ber­mek me­ýil­leş­di­ril­ýär. Şonuň bi­len birlik­de-de, Ahal we­la­ýa­tynyň Ak bug­daý et­ra­by­nyň Öňaldy, Ka­ka etraby­nyň Gow­şut ge­ňeş­lik­le­rin­de, Bal­kan we­la­ýa­ty­nyň Gy­zy­lar­bat etrabyn­da tä­ze, döw­re­bap oba­lar, Da­şo­guz we­la­ýa­ty­nyň Köneür­genç etra­byn­da tä­ze şä­her­çe, Balkan we­la­ýa­tyn­da Ga­ra­bo­gaz­köl aý­la­gynyň üs­tün­den geç­ýän aw­to­mo­bil köp­rü­si, Je­bel şä­her­çe­sin­de Halka­ra ho­wa men­zi­li top­lu­my ulan­ma­ga tab­şy­ry­lar. Açyl­jak desga­la­ryň ha­ta­ryn­da Aşga­bat — Türk­me­nabat ýo­ka­ry tiz­lik­li aw­to­mo­bil ýo­lu­nyň Ma­ry — Türk­me­na­bat bö­le­gi, Türk­me­nis­ta­nyň Se­na­gat­çy­lar we telekeçi­ler birleşme­si­niň ýo­ka­ry okuw mek­de­bi-de bar. Ila­tyň ýaşa­ýyş-dur­muş şertle­ri­ni go­wu­lan­dyr­mak mak­sa­dy bi­len, aw­to­mo­bil ýol­la­ry­nyň, ara gat­na­şyk, suw, gaz we elekt­rik üp­jün­çilik ul­gam­la­ry­nyň, suw, la­gym aras­sa­laý­jy des­ga­la­ryň gur­lu­şyk­la­ry üçin hem ep-es­li se­riş­de gönükdiriler. Bu iş­le­riň äh­li­si Türkme­nis­ta­nyň dur­nuk­ly yk­dy­sa­dy ösüşiniň, hor­mat­ly Pre­zi­den­ti­mi­ziň baş­tu­tan­ly­gyn­da ka­bul edil­ýän mil­li maksat­na­ma­la­ryň­dyr me­ýil­na­ma­la­ryň gy­şar­nyk­syz ama­la aşyrylýandygy­nyň aý­dyň gü­wä­si­dir. 

«Türk­me­nis­ta­ny 2025-nji ýyl­da durmuş-yk­dy­sa­dy taý­dan ösdürme­giň we ma­ýa go­ýum Mak­sat­na­ma­sy» ýur­du­myzyň ministrlikleri, pu­dak­la­ýyn do­lan­dy­ryş eda­ra­la­ry, welaýatlaryň, Aş­ga­bat hem-de Ar­ka­dag şä­her­le­ri­niň hä­kim­lik­le­ri bi­len bi­le­lik­de, «Türkmenistanyň Pre­zi­den­ti­niň ýur­du­my­zy 2022 — 2028-nji ýyl­lar­da durmuş-ykdysa­dy taý­dan ös­dür­me­giň Mak­satna­ma­sy­nyň», «Türkmenista­nyň Pre­zi­denti­niň oba­la­ryň, şä­her­çe­le­riň, et­rap­lar­da­ky şäher­le­riň we et­rap mer­kez­le­ri­niň ila­ty­nyň ýa­şa­ýyş-dur­muş şert­le­ri­ni özgert­mek boýun­ça 2028-nji ýy­la çen­li dö­wür üçin Mil­li maksatnamasynyň» hem-de 2025-nji ýyl üçin Döw­let býu­je­tin­de kesgitle­nen gaý­ra go­ýul­ma­syz we­zi­pe­le­ri ýe­ri­ne ýe­tir­me­giň çäk­le­rin­de iş­le­nip taý­ýar­la­nyl­dy. 

Ýur­du­my­zyň yk­dy­sa­dy pu­dak­la­ryn­da ýoka­ry depgin­li ma­ýa goýum sy­ýa­sa­ty­ny durmu­şa ge­çir­mek üçin ze­rur şert­ler dö­re­di­lip, ýeterlik möç­ber­de ma­li­ýe se­riş­de­le­ri bölü­nip be­ril­ýär. Tä­ze maksatnama­nyň esasy we­zi­pe­si ýur­du­my­zyň yk­dy­sa­dy­ýe­ti­niň deňagram­ly ösü­şi­ni üp­jün et­mek­den ybarat bo­lup dur­ýar. Şu­nuň bi­len bag­ly­lyk­da, ma­ýa go­ýum­la­ryň möç­be­ri­ni art­dyr­ma­gyň, ýur­du­my­zyň ykdy­sa­dy­ýe­tin­de gaý­ta­dan işle­ýän önüm­çi­lik se­na­ga­ty­ny ös­dür­me­giň ne­ti­je­sin­de, se­na­gat­da ön­dü­ril­ýän hem-de eks­por­ta gö­nük­di­ril­ýän önümle­riň möç­berle­ri art­dy­ry­lar, ola­ryň gör­nüş­le­ri hem has gi­ňel­di­ler. Bu iş­ler, el­bet­de, ýur­du­my­zyň yk­dy­sa­dy­ýe­tin­de döw­le­te da­hyl­syz pudagyň pa­ýy­ny art­dyr­ma­ga, şeý­le-de da­şa­ry ýurt ma­ýa go­ýum­la­ry­ny çek­mä­ge iter­gi berýär. Ýur­du­myz­da ýo­ka­ry dep­gin­li yk­dy­sa­dy ösü­şi dur­nuk­ly de­re­je­de üp­jün ed­ýän ma­ýa go­ýum sy­ýa­sa­ty­nyň al­nyp barylma­gy dür­li kär­ha­na­la­ry teh­ni­ki taý­dan hal­ka­ra de­re­jä la­ýyk döwrebap en­jam­laş­dyr­ma­ga, ön­dü­riji­li­gi ýo­kar­lan­dyr­ma­ga giň mümkinçi­lik döred­ýär. 

Serdar ARAZOW, 

Türkmenistanyň Mejlisiniň deputaty

Türkmen halkynyň Milli Lideri Gahryman Arkadagymyzyň «Türkmenistan — parahatçylygyň we ynanyşmagyň Watany!» atly ajaýyp şygryny okap, Berkarar döwletiň täze eýýamynyň Galkynyşy döwründe dünýäde parahatçylygy berkitmek babatda ýurdumyzyň öňe sürýän başlangyçlarynyň, daşary syýasatynyň häzirki döwür we geljek babatdaky taryhy ähmiýeti hakynda pikir edeniňde bir hakykata aýdyň göz ýetirýärsiň. Oňa görä türkmen Bitaraplygy — dünýä parahatçylyk, abadançylyk eçilýän kuýaşdyr. 

Hormatly Prezidentimiziň parasatly baştutanlygynda ýurdumyzyň daşary syýasatynyň sahawatly we ynsanperwer ýörelgeleri ynanyşmak arkaly bütin dünýäni birleşdirýär, dost-dogan halklary jebisleşdirýär. Munuň hakykatdygyna BMG-niň Baş Assambleýasynyň 78-nji sessiýasynyň 63-nji plenar mejlisinde «2025-nji ýyl — Halkara parahatçylyk we ynanyşmak ýyly» atly Kararnamanyň kabul edilmegi hem-de berkarar döwletimiziň bu başlangyjynyň dünýä döwletleriniň ençemesi tarapyndan goldanylmagy hem aýdyň şaýatlyk edýär. Berkarar döwletimiziň parahatçylyk taglymaty häzirki wagtda dünýä jemgyýetçiliginde we halkara syýasy giňişliginde hoşniýetli hyzmatdaşlygy ýola goýmakda möhüm ýörelge bolup hyzmat edýär. Türkmenistanyň başlangyjy bilen BMG-niň Baş Assambleýasynyň 79-njy sessiýasynyň 25-nji plenar mejlisinde «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamanyň biragyzdan kabul edilmegi hem Gahryman Arkadagymyzyň binýadyny goýan parahatçylyk taglymatynyň, «Dialog — parahatçylygyň kepili» atly halkara gatnaşyklaryň täze filosofiýasynyň dünýäniň abadançylygy ugrunda döwletleriň tagallalaryny utgaşdyrmakda möhüm ähmiýete eýe bolýandygyny alamatlandyrýar. 

Halkara parahatçylyk we ynanyşmak ýylynda dünýä parahatçylygynyň beýik taglymaty bolan baky Bitaraplygymyzyň şanly 30 ýyllygy uly dabaralara beslenip, ata Watanymyzyň şöhratyny äleme ýaýar. 

Rasul SADULLAÝEW, 

Türkmenistanyň Mejlisiniň deputaty

Hormatly Prezidentimiziň çuň many-mazmuna beslenen «Magtymguly — dünýäniň akyldary» atly ajaýyp kitaby halkymyzyň gözbaşy müňýyllyklara uzaýan asylly ruhy ýörelgeleriniň özboluşly beýanydyr. Bu gymmatly eseri okan her bir türkmen raýaty öz taryhyna, beýik şahsyýetlerine, nusgalyk däplerine göz ýetirmäge mümkinçilik tapýar. Bu kitap biziň günlerimize gelip ýeten taryhy maglumatlaryň seljermesi bolup, onuň diňe bir ýurdumyzyň raýatlaryna däl, eýsem, dünýä halklaryna hem elýeterli bolmagy aýratyn buýsandyrýar. Beýik söz ussady Magtymguly Pyragynyň ömrüne, döredijiligine degişli maglumatlaryň, akyldar şahyryň edebi mirasynyň gymmatyny wagyz edýän pikir-garaýyşlaryň çeper dilde beýan edilmegi kitabyň täsirliligini we ähmiýetini artdyrýar. 

Hormatly Prezidentimiz ajaýyp kitabynda: «Magtymgula düşünmegiň birinji ädimi akyldar şahyrymyzyň eserlerini yzygiderli, dowamly ürç edip okamakdyr... Magtymgula düşünmegiň ikinji ädimi onuň okan kitaplaryny okamakdyr» diýip belleýär. Şeýle dürdäne sözlere salgylanyp aýtsak, Magtymguly özünden öňki alym-ulamalaryň, beýik mugallymlaryň işleri bilen tanyşmak arkaly öz öwrenen zatlaryny, pikirlerini, garaýyşlaryny gymmatly goşgy setirlerine siňdirmegi başarypdyr, şonuň üçinem akyldar şahyryň okan eserlerini hem-de şahyryň öz eserlerini okamak adamyň dünýägaraýşynyň giňemegine, akyl ýetirip bilijilik ukybynyň artmagyna täsirini ýetirýär. 

Arkadagly Gahryman Serdarymyz özüniň ylmy- -taryhy kitabynda «Magtymguly Pyragy mekdebi» barada söz açmak bilen, onuň XVIII asyrda kemala gelendigine, kämillige gol beren beýik şahyrlaryň, şahsyýetleriň nusgalyk häsiýete eýe bolan şol mekdebe esaslanandygyna ünsi çekýär. Magtymguly Pyragynyň özboluşly mekdebini halkylygyň hem-de milliligiň gözbaşy hökmünde kesgitleýär. 

Hormatly Prezidentimiz «Magtymguly — dünýäniň akyldary» atly kitabynda: «Aslynda, her bir türkmen magtymgulyşynasdyr. Her bir türkmen ömrüniň dowamynda Magtymgula düşünmäge çalyşýar. Magtymgulynyň sözleri, öwüt-ündewleri bilen ýaşaýar» diýen gyzyldan gymmatly garaýyşlary öňe sürmek bilen, her bir türkmeniň Magtymgula ýakyndygyny, özüniň ýaşaýyş-durmuşynda şahyryň şygyrlaryna aýratyn ähmiýet berýändigini nygtaýar, şeýle-de her bir türkmeni magtymgulyşynas hökmünde orta çykarýar, her bir türkmeniň beýik Pyragyny öwrenmäge çemeleşýändigini belleýär.

Kitabyň şu setirleri ünsüňi aýratyn özüňe çekýär: «Magtymguly Pyragy hemişe Watanyň azat- -asudalygy, geljek günleriň rahatlygy hakyndaky oý-pikirler bilen ýaşapdyr. Galamyny ýaragdan ýeg görüp, hikmetli setirlerinde il-halka pederlerimiziň mertlik mekdebine eýermegi, topragy ýürekden söýmegi ündäpdir. XVIII asyrda Magtymgulynyň şygyrlary ruhy konstitusiýa hasaplanypdyr». Häzirki täze taryhy eýýamymyzda akyldar şahyryň agzybirlik, azatlyk, erkinlik, parahatlyk hakyndaky pikirleri döwrümiziň öňe çykaran baş taglymaty bolmak bilen, şol gymmatly düşünjelere döwlet syýasatymyzda möhüm ähmiýet berilýändigini nygtamak ýakymlydyr. 

Milli Liderimiziň tutumly başlangyçlaryndan badalga alyp, Arkadagly Gahryman Serdarymyzyň paýhasy bilen dowamat tapýan Berkarar döwletiň täze eýýamynyň Galkynyşy döwründe parahatçylygyň şahyry we dostlugyň wagyzçysy hasaplanýan Magtymguly Pyragynyň ähli arzuwlary wysal bolmak bilen, biziň döwletimiziň baş ýörelgesi parahatçylyk, dost-doganlyk, adamzadyň abadan durmuşy, nesilleriň bagtyýar geljegi bilen baglydyr. 

«Döwlet adam üçindir!» diýen ynsanperwer ýörelgesi bilen adamy hormatlamagyň nusgalyk göreldesini görkezip, belent mertebä eýe bolan Gahryman Arkadagymyzyň hem-de adamzadyň bagtyýar ýaşaýşyna gönükdirilen täze başlangyçlary öňe sürüp, parahatçylyk taglymatyny dünýäde dabaralandyrýan Arkadagly Gahryman Serdarymyzyň janlary sag, ömürleri uzak, alyp barýan işleri rowaç bolsun! 

Annabagt MAÝEWA, 

welaýat Baş bilim müdirliginiň mekdebe çenli bilim, 

terbiýe we mekdepden daşary edaralar bölüminiň başlygy, Türkmenistanyň Mejlisiniň deputaty.

Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň çuň parasaty bilen Halkara parahatçylyk we ynanyşmak ýyly ýurdumyzyň ösüşinde möhüm ähmiýetli şanly wakalara baý bolar. Şu ýyl berkarar Diýarymyzyň hemişelik Bitaraplygynyň şanly 30  ýyllyk baýramy uludan belleniler. Gahryman Arkadagymyzyň beýik işlerini üstünlikli dowam edýän hormatly Prezidentimiz Serdar Berdimuhamedowyň parasatly baştutanlygynda ýurdumyzda gazanylýan syýasy-ykdysady we medeni ösüşler halkara derejede giňden ykrar edilýär. Türkmenistanyň öňden görüjilikli daşary syýasatynyň özenini düzýän hemişelik Bitaraplyk ýörelgeleriniň üstünlikli amala aşyrylmagy netijesinde, dünýä döwletleri bilen halkara derejede syýasy, söwda-ykdysady we medeni-ynsanperwer ugurlarda gazanylýan ösüşler ähli halkymyzy guwandyrýar. Üstünlikli durmuşa geçirilýän hemişelik Bitaraplyk syýasaty beýik ösüşleriň hatyrasyna dünýäde parahatçylygy we ynanyşmagy pugtalandyrmagyň esasy guraly hökmünde hyzmat edip, täze mazmuna eýe boldy. 

Hormatly Prezidentimiziň möhüm halkara başlangyçlary, dünýäde parahatçylygy berkitmek we howpsuzlygy üpjün etmek, dürli ugurlarda hoşniýetli halkara hyzmatdaşlygy ösdürmek, sebitiň energetika, ulag-aragatnaşyk, ekologiýa meseleleri babatdaky teklipleri we başlangyçlary dünýäde giň goldawa eýe bolýar. 

Türkmenistanyň başlangyjy bilen 2022-nji ýylyň iýulynda BMG-niň Baş Assambleýasynyň «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamany kabul etmegi, şol ýylyň 6-njy dekabrynda 77-nji sessiýanyň 45-nji plenar mejlisinde kabul eden Kararnamasy esasynda 2023-nji ýylyň «Parahatçylygyň kepili hökmünde dialogyň halkara ýyly» diýlip yglan edilmegi aýratyn bellärliklidir. Şol ýylyň 11-nji dekabrynda Aşgabatda geçirilen «Dialog — parahatçylygyň kepili» atly halkara forumyň Jemleýji resminamasynyň BMG-niň Baş Assambleýasynyň 78-nji sessiýasynyň resminamasy hökmünde guramanyň resmi dilleriniň altysynda çap edilmegi türkmen döwletiniň parahatçylyga, beýik ösüşlere çagyryşlary bolup, dünýä ýaň saldy. 

Hemmämize mälim bolşy ýaly, Türkmenistanyň başlangyjy bilen BMG-niň Baş Assambleýasynyň 78-nji sessiýasynda «2025-nji ýyl — Halkara parahatçylyk we ynanyşmak ýyly» atly Kararnamanyň kabul edilmegi Garaşsyz, hemişelik Bitarap Diýarymyzyň halkara abraýynyň we taryhy tejribesiniň ykrar edilýändiginiň güwäsi boldy. 

Dünýäde parahatçylygy we ynanyşmagy pugtalandyrmak, durnukly ösüşleri gazanmak babatda beýik işleri amala aşyrýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak, işleri rowaç bolsun! 

Akjagül ŞIHLYÝEWA, 

Türkmenistanyň Mejlisiniň Umumy bölüminiň 

Terjime bölümçesiniň terjimeçisi.

Hor­mat­ly Pre­zi­den­ti­mi­ziň ýur­du­my­zyň yk­dy­sa­dyýe­ti­niň pudaklaryn­da 2024-nji ýyl­da al­nyp bar­lan iş­le­riň jem­le­ri­ne ba­gyş­lap geçi­ren Mi­nistr­ler Kabi­ne­ti­niň gi­ňiş­le­ýin mej­li­si­ne te­le­ýaý­lym ar­ka­ly syn et­dik. Wa­ta­ny­my­zyň ge­çen şan­ly ýyl­da­ky dur­muş-yk­dy­sa­dy görkezi­ji­le­ri­ne, ga­za­nan be­lent üs­tün­lik­le­ri­ne, ýe­ten sep­git­leri­ne guwanjy­myz art­dy. 

Ar­ka­dag­ly Gah­ry­man Ser­da­ry­my­z Hö­kü­me­tiň gi­ňiş­leýin mejlisindä­ki çy­ky­şyn­da: «Şu ýyl «Hal­ka­ra pa­ra­hat­çy­lyk we yna­nyş­mak ýy­ly» diý­lip yg­lan edil­di. Bu şy­gar uly many-maz­mu­na eýe bo­lup, Garaş­syz, he­mi­şe­lik Bi­ta­rap döwle­ti­mi­ziň at-ab­ra­ýy­ny has-da ýokarlandyr­ma­ga, ata Wa­tany­my­zyň mun­dan beý­läk-de gül­läp ösmegine gö­nük­di­ri­len iş­le­ri ama­la aşyr­ma­ga ruh­lan­dyr­ýar» di­ýip bellemek bi­len, ýy­lyň şy­ga­ry­ny iş ýü­zün­de dur­mu­şa ge­çir­mek üçin tutanýer­li zäh­met çek­mä­ge ça­gyr­dy. Döw­let Baş­tu­ta­ny­my­zyň bu çagyryşy her bi­ri­mi­ziň wa­tan­çy­lyk ru­hu­my­zy has-da belen­de gö­te­rip, päk zäh­me­te hy­juw­lan­dyr­dy. 

Hor­mat­ly Pre­zi­den­ti­mi­ziň «Türk­me­nis­ta­ny 2025-nji ýylda dur­muş-yk­dy­sa­dy taý­dan ös­dür­me­giň we ma­ýa goýum Mak­sat­na­ma­sy­ny tassykla­mak ha­kyn­da» Ka­ra­ra gol çek­me­gi uly jem­gy­ýet­çi­lik seslenmesi­ni dö­ret­di. «Türk­menis­ta­nyň Pre­zi­den­ti­niň ýur­du­my­zy 2022 — 2028-nji ýyl­larda dur­muş-yk­dy­sa­dy taý­dan ös­dür­me­giň Maksatnamasynyň» hem-de «Hal­ka­ra pa­ra­hat­çy­lyk we yna­nyş­mak ýyly» şy­ga­ry as­tyn­da geç­ýän şan­ly ýyl üçin Döw­let býu­je­ti­niň esa­syn­da taý­ýar­la­ny­lan bu res­mi­na­ma­da 2025-nji ýyl­da ýe­til­me­li mak­royk­dy­sa­dy gör­ke­zi­ji­le­riň, yk­dy­sa­dy­ýe­tiň äh­li pu­dak­la­ry bo­ýun­ça önüm­çi­lik meýilna­ma­la­ry­nyň, şeý­lede ra­ýat­la­ryň ýa­şa­ýyş-dur­muş de­re­je­si­ni has-da go­wulan­dyr­mak bi­len bag­ly çä­re­le­riň öz be­ýa­ny­ny tap­ýan­dy­gy guwandyryjydyr. 

Şan­ly ýyl­da ýur­du­my­zyň yk­dy­sa­dy­ýe­ti­ne ma­li­ýe­leşdir­me­giň äh­li çeş­me­le­ri­niň ha­sa­by­na je­mi 40 mil­liard ma­nat­dan gow­rak ma­ýa goýumla­ry gö­nük­dir­me­giň mak­sat edi­nil­me­gi, Di­ýa­ry­my­zyň äh­li sebitle­rin­de mede­ni-dur­muş mak­sat­ly des­ga­la­ry, oba­dyr şä­her­çe­le­ri, şol san­da we­la­ýa­ty­my­zyň Ak bug­daý et­ra­by­nyň Öňal­dy, Ka­ka et­ra­by­nyň Gow­şut ge­ňeş­lik­le­rin­de tä­ze, döw­rebap oba­la­ry da­ba­ra­ly ýag­daý­da açyp ulan­ma­ga ber­megiň me­ýil­leş­di­ril­me­gi gö­wün gu­şu­my­zy ga­nat­lan­dyr­dy. Bu­lar tä­ze ta­ry­hy döw­rü­miz­de Ar­ka­dag­ly Gah­ry­man Ser­da­ry­my­zyň «Wa­tan di­ňe hal­ky bi­len Wa­tan­dyr! Döwlet di­ňe hal­ky bi­len döw­let­dir!» di­ýen baş tag­ly­ma­ty­nyň bar­ha da­ba­ra­lan­ýan­dy­gy­nyň, hal­ky­my­zyň ýaşaýyş-durmuş de­re­je­si­ni ýo­kar­lan­dyr­mak ug­run­da­ky ta­gal­la­la­ryň rowaç­lan­ýan­dy­gy­nyň ala­ma­ty­dyr. Hal­ky­my­zy eş­ret­li dur­muş­da ýaşadýan, ýur­du­my­zy bag­ty­ýar­ly­gyň, ro­waçly­gyň ak ýo­lun­dan bar­ha öňe alyp bar­ýan hor­mat­ly Prezi­den­ti­mi­ze hem-de Gah­ry­man Arkadagymy­za tüýs ýürek­den al­kyş aýd­ýa­rys. 

Resul IŞANGULYÝEW, 

Türkmenistanyň Demokratik partiýasynyň 

Ahal welaýat komitetiniň başlygy, 

Mejlisiň deputaty.

Gah­ry­man Ar­ka­da­gy­my­zyň ýur­du­myz­da ýo­ka­ry ne­ti­je­li spor­ty, Olim­pi­ýa he­re­ke­ti­ni ös­dür­mek, jem­gy­ýet­de sag­dyn dur­muş ýörelgelerini ber­kit­mek ug­run­da ba­şy­ny baş­lan asyl­ly iş­le­ri hor­mat­ly Pre­zi­den­ti­mi­ziň baş­tu­tan­ly­gyn­da has-da ro­waç­lan­ýar. Sag­dyn jemgyýe­ti ber­ka­rar et­mek ýur­du­my­zy uzak möh­let­le­ýin esas­da ösdürme­giň mö­hüm şert­le­ri­niň bi­ri hök­mün­de kes­git­le­ni­lip, bedenterbi­ýe we sport ul­ga­my­nyň mad­dy-en­jam­la­ýyn bin­ýa­dy bi­len bir­likde, hu­kuk esas­la­ry­ny pug­ta­lan­dyr­mak ba­bat­da-da toplum­la­ýyn iş­ler ama­la aşy­ryl­ýar. Döwlet Baştutanymyzyň çuň­ňur oý­la­ny­şyk­ly özgert­me­le­ri­niň ne­ti­je­sin­de türk­menis­tan­ly tür­gen­ler hal­ka­ra ýaryşlarda yzy­gi­der­li ýe­ňiş gaza­nyp, ata Wa­ta­ny­my­zyň ab­ra­ýy­ny has-da beý­geld­ýär­ler. Sport we be­den­ter­bi­ýe-sa­gal­dyş he­re­ke­ti ildeşlerimiziň dur­mu­şy­nyň aý­ryl­maz bö­le­gi­ne öw­rül­ýär.

Köpçülikleýin bedenterbiýe-sagaldyş hereketini wagyz etmäge gönükdirilen giň gerimli işleriň ýaýbaňlandyrylmagy, dürli ýaşdaky hem-de kärdäki adamlaryň gatnaşmagynda bäsleşikleriň yzygiderli geçirilmegi ýurdumyzda sport we bedenterbiýe bilen meşgullanýan adamlaryň sanynyň artmagyna ýardam edýär. Diýarymyzyň ähli sebitlerinde döwrebap sport düzümlerini döretmek arkaly sport bilen meşgullanmagyň raýatlar üçin elýeterli bolmagy üpjün edilýär. Şunuň bilen birlikde, ýaş nesilleri sporta çekmek, olaryň bedenterbiýe bilen köpçülikleýin meşgullanmagyny gazanmak üçin uly tagallalar edilýär. Munuň üçin bilim edaralarynda okuw we okuwdan daşary wagtda beden terbiýesi boýunça işler alnyp barylýar. 

«Bedenterbiýe we sport hakynda» Türkmenistanyň Kanunyna laýyklykda, bilim ulgamynda beden terbiýesini guramak esasy bilim maksatnamalarynyň çäklerinde bedenterbiýäniň we sportuň hökmany sapaklarynyň, şeýle hem goşmaça umumybilim maksatnamalarynyň çäklerinde bedenterbiýäniň hem-de sportuň goşmaça sapaklarynyň geçirilmegini, terbiýelenýänleriň, okuwçylaryň we talyplaryň bedenterbiýe-sagaldyş hem-de sport taýýarlygy boýunça toplumlaýyn çäreleri geçirmek üçin şertleriň döredilmegini, şol sanda zerur enjamlardyr serişdeler bilen üpjün edilmegini, aýratyn başarnyklaryny we saglyk ýagdaýyny göz öňünde tutmak bilen, terbiýelenýänlerde, okuwçylarda hem-de talyplarda bedenterbiýe endikleriniň kemala getirilmegini, olary bedenterbiýe we sport bilen meşgullanmaga çekmek üçin şertleriň döredilmegini göz öňünde tutýar. Şeýle hem okuwçylaryň we talyplaryň gatnaşmaklarynda bedenterbiýe-sagaldyş, köpçülikleýin sport çäreleriniň guralmagyna we geçirilmegine, mekdep sportunyň hem-de talyp sportunyň ösüşine we ýaýbaňlandyrylmagyna ýardam edilmegi, okuwçylaryň hem-de talyplaryň halkara sport çärelerine, şol sanda Bütindünýä uniwersiadalaryna we resmi halkara sport ýaryşlaryna gatnaşdyrylmagy bilim ulgamynda beden terbiýesini guramagyň möhüm ugurlarynyň biridir. 

Häzirki döwürde «Türkmenistan – ruhubelentligiň we sagdynlygyň ýurdy» şygary bilen yzygiderli geçirilýän Spartakiadalar we Uniwersiadalar sporta höwesek ýaşlaryň hatarynyň artýandygyny subut edýär. Halkara ýaryşlarda üstünlik gazanýan türgenlerimiziň köpüsiniň hut ýaşlar bolmagy ýaşlar sportuny ösdürmek ugrundaky işleriň aýdyň netijesidir. Ýurdumyzda sagdyn durmuş ýörelgelerini pugtalandyrmak, ähli raýatlaryň, hususan-da ýaş nesilleriň bedenterbiýe we sport bilen meşgullanmagy üçin giň mümkinçilikleri döretmek ugrunda ýadawsyz aladalanýan hormatly Prezidentimiziň hem-de Gahryman Arkadagymyzyň janlary sag, ömürleri uzak, il-ýurt we umumadamzat ähmiýetli başlangyçlary rowaç bolsun!

Per­man SA­PA­ROW, 

Türk­me­nis­ta­nyň Mej­li­si­niň Dur­muş sy­ýa­sa­ty 

ba­ra­da­ky ko­mi­te­ti­niň baş hü­när­me­ni.

В Ашхабаде в рамках сотрудничества Меджлиса Туркменистана с зарубежными партнёрами состоялся «круглый стол» по изучению передового международного опыта в системе местного самоуправления и обсуждению вопросов внедрения лучших практик в работу местной власти Туркменистана. В мероприятии приняли участие представители Меджлиса Туркменистана, Министерства финансов и экономики, Министерства адалат, а также представители хякимликов, арчины регионов. 

Местное самоуправление и местные органы власти обеспечивают самостоятельное решение гражданами вопросов местного значения и управление городским имуществом исходя из интересов всех жителей конкретного региона. Более широкое понятие местного самоуправления подразумевает право и фактическую компетенцию органов местного самоуправления в рамках закона и под свою ответственность регулировать и управлять значительной частью общественных дел, действуя в интересах местного населения. 

Территориальное местное самоуправление осуществляется в основном через органы местного самоуправления. В современном мире всё большее распространение получают системы местного самоуправления, основанные на развитии отношений между органами местного самоуправления и центральной властью. 

В ходе «круглого стола» международные эксперты сделали презентации о передовом международном опыте деятельности местного самоуправления в различных странах, привели конкретные примеры структуры систем местного самоуправления в других странах, подкрепляя их правовыми рамками, предоставили информацию о достигнутых успехах в организации их работы на местах. 

Также была дана подробная информация о работе с гражданами как механизме местного самоуправления, сделан обзор лучших международных и национальных практик в работе с гражданами, говорилось о роли политических и общественных организаций и гражданского общества в решении вопросов местного значения. На конкретных примерах стран Центральной Азии были представлены основные модели взаимодействия органов местного самоуправления и государственных институтов, модели сотрудничества на международном уровне и возможности адаптации международных моделей в нашем регионе. 

В свою очередь депутат Меджлиса Туркменистана и национальный эксперт сделали обзор действующего законодательства, регулирующего систему местного самоуправления в Туркменистане. Кроме того, национальный эксперт подробно остановился на результатах анализа возможностей дальнейшего совершенствования данного законодательства, раскрыл основные тенденции его развития. Представив сравнительный анализ органов местного самоуправления в странах Центральной Азии, основных сходств и различий в системах местного самоуправления стран Центральной Азии, национальный эксперт отметил возможности обмена передовым опытом, успешные примеры и возможности адаптации к национальной системе местного самоуправления в Туркменистане, а также межрегионального сотрудничества и обмена опытом. 

Мероприятие проходило в интерактивном формате, что позволило задавать интересующие участников семинара вопросы и обменяться мнениями и идеями. 

По результатам состоявшегося обсуждения участники наметили конкретные шаги по совершенствованию системы местного самоуправления в Туркменистане и предложения по развитию сотрудничества. 

В целом «круглый стол» стал хорошей площадкой для представителей органов местного самоуправления в плане расширения их знаний о правовых основах системы местного самоуправления. Выступления международных экспертов, изучающих мировой опыт, подтвердили, что правовые основы системы местного самоуправления в нашей стране прочно устоялись и ориентированы на интересы народа. Вместе с тем подчёркнута важность постоянного совершенствования этой сферы и определены приоритетные задачи в системе местного самоуправления. 

В завершение семинара участники выразили благодарность уважаемому Президенту Аркадаглы Герою Сердару и Национальному Лидеру туркменского народа, Председателю Халк Маслахаты Герою Аркадагу за создание благоприятных возможностей для развития международного сотрудничества с целью совершенствования национального законодательства с учётом лучших мировых практик. 

Сердар Дурдыев, 

депутат Меджлиса Туркменистана, 

член Комитета по работе с органами местной 

представительной власти и самоуправления.

Täze taryhy döwürde döwletimiziň ynanyşmak we dostluk ýörelgelerine esaslanýan içeri we daşary syýasatyny, umumadamzat bähbitli halkara başlangyçlaryny giňden wagyz etmek, dünýä ýaýmak, Türkmenistanyň hemişelik Bitaraplygynyň şanly 30 ýyllygyny şöhratlandyrmak maksady bilen, şeýle hem Gahryman Arkadagymyzyň ýiti zehininden, jöwher paýhasyndan dörän, parahatçylygyň, ynanyşmagyň we dost-doganlygyň ähmiýetini, onuň gadyr-gymmatyny giňden açyp görkezýän «Türkmenistan — parahatçylygyň we ynanyşmagyň Watany» atly ajaýyp goşgusyndan ugur alyp, 2025-nji ýyl «Halkara parahatçylyk we ynanyşmak ýyly» diýlip yglan edildi. 2025-nji ýylyň şygarynda Bitarap ýurdumyzyň ählumumy parahatçylygy we durnukly ösüşi gazanmak, döwletleriň arasynda özara ynanyşmagy berkitmek, dünýä ýurtlaryny we halklaryny parahatçylyga, dost-doganlyga çagyryş ýaly asylly maksatlar öz beýanyny tapýar. 

Häzirki wagtda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, hormatly Prezidentimiz Arkadagly Gahryman Serdarymyzyň tagallalary bilen Türkmenistanyň hemişelik Bitaraplygynyň 30 ýyllyk baýramçylygy we 2025-nji — Halkara parahatçylyk we ynanyşmak ýyly mynasybetli çäreleri ýokary derejede geçirmek boýunça işlere badalga berildi. 

Türkmenistanyň Bitaraplygy gelip çykyşy boýunça ykrar edilen, görnüşi boýunça hemişelik, manysy boýunça oňyn Bitaraplykdyr. Watanymyzyň Bitaraplyk hukuk derejesi BMG-niň Baş Assambleýasy tarapyndan 1995-nji ýylyň 12-nji dekabrynda, soňra 2015-nji ýylyň 3-nji iýunynda ykrar edildi. 

Ata Watanymyz Türkmenistan Bitaraplyk hukuk derejesini Konstitusiýamyzda berkitdi. Onda: «Türkmenistan dünýä bileleşigi tarapyndan ykrar edilen we kanun esasynda berkidilen hemişelik bitaraplyk hukuk ýagdaýyna eýedir», «Türkmenistanyň hemişelik bitaraplygy onuň içeri we daşary syýasatynyň esasy bolup durýar» diýlip bellenilendir. Şeýle hem bu ugurda «Türkmenistanyň hemişelik bitaraplygy hakynda» Türkmenistanyň Konstitusion kanuny we beýleki möhüm resminamalar kabul edildi. «Türkmenistanyň Döwlet sylaglary hakynda» Türkmenistanyň Kanunyna laýyklykda, «Bitaraplyk» ordeni, «Garaşsyz, baky Bitarap Türkmenistan» we «Bitarap Türkmenistanyň 25 ýyllygyna» atly ýubileý medallary döredildi. 

Ýakynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň baştutanlygynda geçirilen guramaçylyk döwlet toparynyň mejlisinde Halkara parahatçylyk we ynanyşmak ýylyny ýokary guramaçylykly geçirmek bilen bagly öňde durýan möhüm wezipeler ara alnyp maslahatlaşyldy. Mejlisde Gahryman Arkadagymyzyň ýurdumyzyň kada-kanunçylyk işini kämilleşdirmegiň, ilatyň arasynda wagyz-nesihat işlerini giňden ýola goýmagyň möhümdigi, Halkara parahatçylyk we ynanyşmak ýylynyň dowamynda Türkmenistanyň parahatçylyk we ynanyşmak ýörelgelerine daýanýan daşary syýasatynyň hukuk esaslaryny berkitmek maksady bilen, degişli kadalaşdyryjy hukuk namalaryny işläp taýýarlamak meselelerine bellenilen tertipde seretmek barada beren tabşyryklaryny ýerine ýetirmek maksady bilen, Türkmenistanyň Mejlisi ýerlerde raýatlaryň pikirlerini öwrenmek we tekliplerini almak bilen bagly işlere başladylar. Hormatly Prezidentimiziň parasatly baştutanlygynda ýurdumyzyň milli kanunçylygyny kämilleşdirmek babatda durmuşa geçirilýän işler döwletiň we jemgyýetiň durmuşynyň ähli ulgamlarynda ýaýbaňlandyrylan giň möçberli özgertmeleri kanunçylyk taýdan üpjün etmäge, halkymyzyň hal-ýagdaýynyň has-da gowulandyrylmagyny gazanmaga, ýurdumyzyň kanunçylyk-hukuk binýadyny mundan beýläk-de kämilleşdirmäge ýardam edýär. Türkmenistanyň Mejlisine kanunçylyk namalaryna üýtgetmeler we goşmaçalar girizmek baradaky gelip gowuşýan tekliplere degişli seljerme işleri geçirilip, olaryň taslamalary işlenilip taýýarlanylýar we kabul edilýär. 

Garaşsyzlygymyz we hemişelik Bitaraplygymyz türkmen halky üçin mukaddesdir. Garaşsyzlygyň we Bitaraplygyň gazananlaryny gorap saklamak, geljekki nesillere ýetirmek biziň her birimiziň mukaddes borjumyzdyr. 

Batyr BAÝLYÝEW, 

Türkmenistanyň Mejlisiniň deputaty, 

Kada-kanunçylyk baradaky komitetiniň başlygy

Hor­mat­ly Pre­zi­den­ti­mi­ziň pa­ra­sat­ly baş­tu­tan­ly­gyn­da ýur­du­myz­da me­de­ni-yn­san­per­wer ul­ga­myň döw­re­bap ös­dü­ril­me­gi­ne aý­ra­tyn ähmiýet be­ril­ýär. Bu ugur­da hal­ka­ra de­re­je­de ga­za­nyl­ýan üs­tün­lik­le­re Ar­ka­dag Ser­dar­ly bag­ty­ýar ýaş­lar hem my­na­syp go­şant goş­ýar­lar. Ýaňy-ýa­kyn­da türk­men hal­ky­nyň Mil­li Li­de­ri, Türk­me­nis­ta­nyň Halk Mas­la­ha­ty­nyň Baş­ly­gy Gah­ry­man Ar­ka­da­gy­my­zyň Mo­na­ko Knýazlygy­na sa­pa­ry­ny ama­la aşy­ran gün­le­rin­de ýur­dumy­zyň «Galkynyş» mil­li at üs­tün­dä­ki oýun­lar to­pa­ry­nyň Mon­te-Kar­lo­da geçiri­len 47-nji hal­kara sirk sun­ga­ty fes­ti­wa­lyn­da üs­tün­lik­li çy­kyş edip, Al­tyn baý­ra­ga we beý­le­ki ýö­ri­te baýrak­la­ra my­na­syp bol­ma­gy-da mu­nuň şeý­le­di­gi­niň aý­dyň gü­wä­si­dir.

 Ýaşlykda üstünliklere, ýeňişlere synmaz ynam, röwşen geljege hyjuw, egsilmez gujur bar. Gahryman Arkadagymyzyň başlangyjy we tagallalary bilen 2007-nji ýylda döredilen «Galkynyş» milli at üstündäki oýunlar toparynyň agzalary hem, esasan, ýaşlardan ybarat. Bu topar geçen ýyllaryň dowamynda halkara derejede gazanýan uly üstünlikleri bilen şöhratlanyp, Döwlet baýdagymyzy belentde parladyp gelýär. Munuň özi ýaşlarymyzyň Milli Liderimiziň hem-de hormatly Prezidentimiziň belent ynamyna ygrarlylygynyň, ata Watanymyza egsilmez söýgüsiniň nyşanydyr. 

«Galkynyş» milli at üstündäki oýunlar toparynyň Monte-Karloda gazanan ýeňşiniň şanyna 1-nji fewralda Arkadag şäherinde geçirilen dabaralar ýurdumyzyň medeni durmuşynda ajaýyp wakalaryň biri boldy. Onuň çäklerinde bu topara hormatly Prezidentimiziň adyndan 3 million manat, Gahryman Arkadagymyzyň adyndan 17 müň ýewro möçberinde pul baýraklarynyň gowşurylmagy, toparyň ýolbaşçysyna bolsa «Türkmenistanyň at gazanan atşynasy» diýen hormatly adyň dakylmagy halkara giňişlikde ýurdumyzyň abraýyny belende göteren ýaş watandaşlarymyzyň zähmetine belent sarpa goýulýandygynyň, olaryň bitiren hyzmatyna ýokary baha berilýändiginiň aýdyň güwäsidir. «Galkynyş» toparynyň agzalaryna Türkmenistanyň Magtymguly adyndaky Ýaşlar guramasy tarapyndan «Awaza» milli syýahatçylyk zolagyndaky «Daýanç» sagaldyş merkezine 10 günlük dynç alyş ýollanmasynyň, döwrebap tehnologik enjamlar we sport egin-eşikler toplumlarynyň, türkmen halysynyň gowşurylmagy-da olaryň gazanan halkara üstünligine mynasyp serpaýdyr. Bu sylag-serpaýlar «Galkynyş» toparynyň agzalaryny täze üstünliklere ruhlandyrýar. Olaryň şeýle şanly ýeňişleri ähli ýaşlarymyz üçin göreldedir. Çünki Monte-Karloda geçirilmegi däbe öwrülen abraýly halkara festiwalda üstünlik gazanmak örän uly yhlasy, irginsiz zähmeti, dünýäniň sirk sungatynyň ussatlaryny haýran galdyryp biljek ukyp-başarnygy talap edýär. 

Geçen asyryň ýetmişinji ýyllarynda esaslandyrylan festiwal dünýäniň sirk sungatynyň iň abraýly çäreleriniň biri bolup durýar. Her ýyl Monakonyň Monte-Karlo şäherinde geçirilýän bu festiwalyň esasy maksady sirk sungatynyň meşhurlygyny artdyrmakdan, onuň däplerini dowam etdirmekden, tutuş dünýäde bu ugurdan täze zehinleri ýüze çykarmakdan ybarat. Ýokary halkara abraýdan peýdalanýan bu festiwalda milli toparymyzyň çykyş edip, onda-da iň ýokary üstünligi gazanmagynda, ilkinji nobatda, Gahryman Arkadagymyzyň tagallalary uly orna eýedir. Hut Milli Liderimiziň başlangyjy bilen ýurdumyzda sirk sungatynyň täzeden dikeldilendigini, 2010-njy ýylyň aprelinde Türkmenistanyň Döwlet sirkiniň gaýtadan, döwrebap röwüşde işläp başlandygyny aýratyn bellemek gerek. Munuň özi häzirki zaman türkmen sirk sungatyny ösdürmegiň ýolunda möhüm tapgyr boldy. 

Gazanan täze halkara üstünlikleri mynasybetli hormatly Prezidentimiziň toparyň agzalaryna iberen Gutlagynda belleýşi ýaly, Berkarar döwletiň täze eýýamynyň Galkynyşy döwründe Garaşsyz, hemişelik Bitarap ýurdumyzda sirk sungaty yzygiderli ösdürilýär. Onuň döwrebap derejede kämilleşdirilmegi üçin hukuk binýady berkidilýär. «Sirk we sirk sungaty hakynda» Türkmenistanyň Kanunynyň kabul edilmegi hem ýurdumyzda milli sirk sungatynyň işiniň ösüşini goldamaga gönükdirilendir. Milli sirk sungatymyz döwlet Baştutanymyzyň hemmetaraplaýyn goldawy netijesinde, soňky ýyllarda hakyky galkynyşy başdan geçirýär we halkara derejede giňden ykrar edilýär. Türkmen toparynyň şeýle abraýly halkara festiwala çagyrylmagy-da munuň aýdyň güwäsidir. 

«Galkynyş» toparynyň agzalarynyň at üstünde ýerine ýetirýän akrobatika we gimnastika tilsimleri, bedewlere ussatlyk bilen erk etmek, at çapmak sungatynyň ýokary derejesini görkezýän çykyşlary milli at üstündäki oýunlar toparymyzyň özboluşly aýratynlygydyr. Bu topar dünýäniň köp ýurtlarynda türkmen sirk sungatynyň özboluşly kämilligini görkezýär. 

«Galkynyş» milli at üstündäki oýunlar toparynyň diňe bir sirk sungaty boýunça çykyş etmek bilen çäklenmän, eýsem, halkymyzyň baý mirasyny-da wagyz edýändigini bellemek ýakymly. Şunda türkmen halkynyň milli buýsanjy bolan meşhur ahalteke bedewlerine aýratyn orun degişli. Olaryň äleme ýaň salýan şan-şöhraty türkmen ýaşlarynyň halkara ýaryşlarda, sirk festiwallarynda gazanýan ajaýyp ýeňişleri bilen has-da artýar. 

Behişdi bedewlerimiz dabaralaryň, toý-baýramlaryň bezegi bolup, çapyp barýan atyň üstünde çylşyrymly tilsimleri ýerine ýetirýän türkmen jigitleriniň çalasynlygy, ýyndam ahalteke atlarynyň düşbüligi, täsin we akylly hereketleri görenleri haýran galdyrýar. Hut şoňa görä-de, «Galkynyş» milli at üstündäki oýunlar toparymyz dünýäde uly meşhurlyga eýe boldy. Atşynaslaryň, halkara bilermenleriň belleýşi ýaly, türkmen milli at üstündäki oýunlary çykyşyň ilkinji pursatlarynda tomaşaçylaryň ünsüni çekmegi başarýar. Ajaýyp ahalteke bedewleri, jigitlerimiziň milli lybaslary, olaryň sazlaşykly hereketleri indi millionlarça adamyň hakydasynda we kalbynda orun aldy. Munuň özi Gahryman Arkadagymyzyň, hormatly Prezidentimiziň taýsyz tagallalary bilen ösüşiň täze belentliklerine tarap ynamly öňe barýan türkmen halkynyň gadymy däp-dessurlaryny dikeltmek, milli medeniýetimizi, sungatymyzy dünýäde dabaralandyrmak babatda alnyp barylýan giň gerimli işleriň ajaýyp netijesidir. Şunda türkmen ýaşlaryna uly ynam bildirýän Milli Liderimize we hormatly Prezidentimize alkyşlarymyz egsilmezdir. 

Ýazpolat KERIÝEW, 

Türkmenistanyň Magtymguly adyndaky 

Ýaşlar guramasynyň Merkezi geňeşiniň başlygy, 

Mejlisiň deputaty.